ჩვენ შესახებ
„ენგური ატრაქცია“ გახლავთ სახელმწიფო ორგანიზაციაა, რომლის მიზანიც ენგურჰესის თაღოვან კაშხალზე ტურისტული ინფრასტრუქტურის მოწყობა და შემდგომში მისი მართვაა.
მე-20 საუკუნის 60-70-იან წლებში აშენებული ენგურის ჰიდროელექტრო კაშხალი საქართველოში სამოქალაქო ინჟინერიის მიღწევების ერთ-ერთი თვალსაჩინო მაგალითია. ობიექტები, რომლებიც ენგურჰესის შემადგენლობაში შედის, თითქმის ათას კვადრატულ კილომეტრს მოიცავს ქალაქ ჯვარიდან შავ ზღვამდე.
მასში შედის ჰიდროელექტროსადგურების კასკადი, მათ შორის ენგურის თაღოვანი კაშხალი და 400-მდე გვირაბი და არხი, რომელთაგან ყველაზე გრძელი დაახლოებით 15 კილომეტრია. ქალაქ ჯვარში, მდინარე ენგურის ვიწრო კანიონში, ჩრდილო-დასავლეთ საქართველოს თვალწარმტაცი პეიზაჟებით აშენებული ენგურის თაღოვანი კაშხალი 1978 წლიდან ფუნქციონირებს. ენგური 271,5 მეტრი სიმაღლით მსოფლიოში ერთ-ერთი ყველაზე მაღალი თაღოვანი კაშხალია.
ენგურის კაშხალი
ქუთაისი
ბათუმი
თბილისი
ადგილის კულტურული ფასეულობების გათვალისწინებით, 2015 წელს ენგურის თაღოვან კაშხალს მიენიჭა ეროვნული მნიშვნელობის სამრეწველო მემკვიდრეობის სტატუსი.
2021 წლის ნოემბრიდან ვიზიტორებს აქვთ უნიკალური შესაძლებლობა ნახონ თაღოვანი კაშხლის ყველა მიმზიდველი ობიექტი და გაეცნონ ჰიდრო რესურსების გამოყენებით ენერგიის წარმოების ძირითად ასპექტებს.
2022 წლიდან ენგურის კაშხალი ევროპის ინდუსტრიული მემკვიდრეობის მარშრუტის წევრი გახდა.
ენგურის თაღოვანი კაშხალი მდებარეობს:
თბილისის საერთაშორისო აეროპორტიდან - 414 კმ
ბათუმის საერთაშორისო აეროპორტიდან - 180 კმ
ქუთაისის საერთაშორისო აეროპორტიდან -125 კმ
სერვისები
მოკლე ტური
მოკლე ტური ვიზიტორებს სთავაზობს შედარებით მოკლე დროში (დააახლობით 30 წუთი) უშუალოდ კაშხლიდან შთამბეჭდავი ხედების დათვალიერებას , წყლის ცირკულირების პრინციპების გაცნობას, ასევე წყალმიმღები შენობის დათვალიერებას.
სრული ტური
ტური რომელიც დაახლოებით 2 საათს გრძელდება, სტუმრებს სთავაზობს დაუვიწყარ მოგზაურობას ენგურის კაშხლის ყველა ძირითადი საინჟინრო კვანძის მოსანახულებლად, რაც მოიცავს უშუალოდ კაშხალზე გაჩერებას, 315-ე ნიშნულზე არსებული გვირაბის დათვალიერებას, პერიმეტრალური გვირაბისა და კაშხლის ფარების განყოფილების მონახულებას.
